26/03/2021
Executive 日記——睇睇香港「景昔」 開 App 打卡四圍貢
Headline Daily
最新專欄文章
旅遊事務署噚日推出「城市景昔」旅遊項目，利用擴增實境（AR）同多媒體技術，將香港歷史全景圖像同現場真實全景結合，加上動畫及音效，市民可以透過智能手機，同時穿梭過去同現在（圖），享受豐富嘅視聽體驗。Kelly試過吓，感覺真係好神奇！少咗去旅行都可以網上走嚟走去。
市民o依家只要用智能手機免費下載「城市景昔」手機應用程式，掃描率先安裝喺中環、尖沙嘴等十三個指定地點推出嘅「AR時鐘」（圖），包括愛丁堡廣場、皇后像廣場、梳士巴利花園等，就可以欣賞歷史照片、香港青年藝術家畫作整合而成嘅三百六十度歷史全景圖像。應用程式同時設有自拍功能，市民可透過社交媒體平台同朋友分享，亦可瀏覽程式載列嘅主要地標照片等資訊，加深了解香港歷史。同時，市民亦可以通過「城市景昔」網站（cityintime.hk），率先遙距體驗。
「城市景昔」項目係由旅遊事務署委託香港城市大學楊建文講座教授（媒體藝術）邵志飛教授團隊研發製作，預計稍後會陸續擴展到其他地區。